जनकपुरधाम : धनुषाको एउटा क्रसर उद्योगमा एक युवकको शव फेला परेको छ।
क्रसरको फित्तामा टाउको फसेको अवस्थामा गणेशमान चारनाथ नगरपालिका-६ मा रहेको कमला स्टोन क्रसरमा स्थानीय गोदरका २० वर्षीय अर्जुन यादवको शव फेला परेको हो।
मजदुरी गर्दै आएका यादवको शव ढुंगा फोड्ने मेसिनको फित्तामा टाउको च्यापिएको अवस्थामा फेला परेको जिल्ला प्रहरी कार्यालय धनुषाका प्रवक्ता डीएसपी रञ्जन अवाले जानकारी दिए।
सोही क्रसरमा काम गर्ने बारा निजगढ बस्ने ४५ वर्षीय खेमकुमार मगर घाइते अवस्थामा भेटिएका छन्।
मृतकका मामा खुसीलाल यादवले घटना शंकास्पद भएको भन्दै गम्भीर रूपमा अनुसन्धान गर्न माग गरेका छन्। अहिले प्रहरी घटनास्थल पुगेर अनुसन्धान गरिरहेको छ।
