हरिवन : सर्लाहीको हरिवनमा टिपरले किचेर एक जनाको मृत्यु भएको छ।
जिल्लाको हरिवन नगरपालिका-११ बासाटोलमा टिपरले किचेर सोहि नगरपालिका-७ घर भएका मोटरसाइकल चालक दीपक अधिकारीको मृत्यु भएको सर्लाही प्रहरीले जनाएको छ।
शुक्रबार दिउँसो बागमती प्रदेश ०२–०३७ प ४४०१ नम्बरको मोटरसाइकललाई प्रदेश २–०३–००१ क ११३७ नम्बरको टिपरले ठक्कर दिँदा उनको घटनास्थलमै मृत्यु भएको हो।
ठक्कर दिने ट्रक र ट्रकका चालक जिल्लाकै बागमती नगरपालिका – ४, जिरायतका टेक बहादुर थिङ रहेका छन्। उनलाई प्रहरीले नियन्त्रणमा लिएर आवश्यक अनुसन्धान गरिरहेको छ।
अधिकारीको शव पोस्टमार्टमका लागि प्रादेशिक अस्पताल मलंगवा लगिएको छ।
