२०८१ साल असार ६ गते बिहिबारको राशिफल
मेष- काममा कठिनाइ सहनु पर्ला। यातायातका साधनबाट पनि जोगिनु होला। विशेष योजना गोप्य राख्नुहोला। बन्न लागेको पनि बिग्रन सक्ने दिन छ। घरेलु समस्याले सताउने हुँदा काममा अवरोध आउनेछ। त्यसै-त्यसै दिक्क लागेर आउने छ।
वृष- सहयोगीहरूले काममा साथ दिनेछन्। आम्दानी प्रशस्तै बढ्ने छ। नयाँ योजनाहरूको पनि सिर्जना हुने दिन छ। परिश्रम गर्दा अरूको विश्वास पनि जित्न सकिनेछ। अधुरा काम बनी मन हर्षित हुने दिन छ।
मिथुन- मनोरञ्जनात्मक तरिकाबाट काम बनी मन हर्षित हुनेछ। पुराना साथीभाइसँग भेट होला। भौतिक साधन जुट्नेछन्, नउठ्ने रकम उठ्ने दिन छ। प्रयास गर्दा प्रेममा सफलता पाउने र वैवाहिक बन्धन प्राप्तिको योग छ। टाढाको यात्रा पनि होला।
कर्कट- परिवारजनमा असमझदारी बढ्नेछ। मान्यजन वा अभिभावकवर्ग रुष्ट हुनसक्छन् विचार गर्नु होला। ईर्श्या गर्नेहरू सक्रिय रहनेछन्। छरछिमेकमा झगडा हुन सक्छ, सावधान रहनु होला। गलत विचार बढ्ने, समयमा निर्णय नहुँदा काममा अवरोध आउने र झैझगडाको योग छ।
सिंह- प्रतिष्ठित काम गरेर धेरैको मन लोभ्याउन सकिनेछ। आफ्नो क्षेत्रमा प्रभुत्व जमाउन सकिने छ। नयाँ काममा समय मात्र बित्नेछ। नोकरीमा आज अल्छी लाग्न सक्छ। व्यापारमा सफलताले मन रमाउने छ। धन मनग्य कमाउने अवसर मिल्नेछ।
कन्या- मान-सम्मान बढ्नेछ। सुखको अनुभूति हुनेछ। सन्तान पक्षबाट सुखको समाचार सुन्न पाइने छ। दिन मनोरञ्जनपूर्ण रहनेछ। व्यापार र रोजगारीका क्षेत्रमा लाभ मिल्नेछ। समग्रमा दिन रमाइलो छ। ठूला व्यक्तिको आशा र भरोसा पनि तपाईंप्रति रहनेछ। बोलीको भरमा धेरै काम सहज हुनेछन्।
तुला- कुनै नयाँ कामको स्रोत फेला पर्ने दिन छ। जागिरमा भने समस्या देखापर्नेछ। व्यावसायिक यात्राको सम्भावना छ। सामाजिक कार्यमा मन जाने छ। विविध लाभ होला। सहयोग र नयाँ मित्रको आगमनले अन्ततः मन प्रशन्न हुनेछ। धन लाभ पनि होला।
वृश्चिक- सोच्दै नसोचेको ठाउँमा धन जाँदैछ। सामान्य रोगले पनि सताउने छ, होशियार रहनु होला। उपचारमा खर्च हुने योग छ। सामान्य ज्वरो आउन सक्छ, खानपानमा होश पुर्याउनु होला। परिश्रमले लक्ष्य पूरा गर्न सकिनेछ। नोकरी र राजनीतिमा केही अप्ठ्यारो सामना गर्नुपर्नेछ।
धनु- विचारले धेरैलाई आकर्षण गर्ने समय छ। व्यापार व्यवसायबाट राम्रो लाभ लिन सकिने छ। विभिन्न अवसरले पछ्याउनेछन्। स्वास्थ्य स्थिति राम्रो रहनुका साथै काम गर्ने जाँगर बढ्ने छ। नयाँ काम पाउने योग छ। पढाइमा राम्रै उन्नति गरेर अगाढि बढ्न सकिनेछ। दिन राम्रै छ।
मकर– काम गर्न जाँगर चल्नेछ। उत्साहबर्द्धक समय छ। आम्दानी बढ्न सक्छ। दिन रमाइलो साथ बित्नेछ। भविष्यका लागि विशेष काममा जग बसाउने अवसर जुट्नेछ। धन लाभ होला। आँटे-गरेका काम पूरा हुने छन्। व्यापारमा पनि सामान्य लाभ हुने देखिन्छ।
कुम्भ- बोलीको प्रभाव बढ्नुका साथै सजिलै काम बन्ने योग छ। टाढाको यात्राको पनि सम्भावना छ। गरेका कामबाट राम्रै लाभ मिल्नेछ। यात्राको लागि एकदम राम्रो समय छ। व्यापारमा गरेका प्रयासहरू सकारात्मक रहनेछन्। साथीभाइसँग भेटघाट पनि होला।
मीन- अनावश्यक खर्च हुने दिन छ। काम गर्नमा खासै मन नजाला। बाध्यतापूर्ण काममै समय बित्न सक्छ। व्यापार व्यवसायमा घाटा बेहोर्नुपर्ला। समय त्यति राम्रो छैन, गलत विचार बढ्ने छ, समयमा सही निर्णय लिन सकिने छैन।
