२०८१ असोज १२ गते शनिबारको राशिफल :
मेष : जे काम गर्नुहुन्छ होसियारीपूर्वक गर्नुहोला। आफूलाई कमजोर भएको अनुभूति हुनेछ। राज्यबाट दण्ड तथा जरिवाना हुन सक्छ। यात्रा गर्दा पनि सावधानी अपनाउनु पर्नेछ। सामान हराउने वा चोरी हुने सम्भावना छ।
वृष : धार्मिक तथा सांस्कृतिक सभा समारोहमा सरिक हुने सम्भावना छ। दाम्पत्य जीवन सुखद तथा समृद्ध बन्ने देखिन्छ। विद्या तथा प्रतिस्पर्धामा सफल भइनेछ। आतिथ्यपूर्ण सम्मान पाइएला। शैक्षिक क्षेत्रमा सफलता मिल्नेछ।
मिथुन : रोकिएका काम पुनः सुरु हुनेछन्। आफ्नो क्षेत्रमा प्रभुत्व जमाउन सकिनेछ। खर्च बढे पनि आम्दानीभन्दा बढी हुने छैन। लामो यात्रा सुखद र आरामदायी हुनेछ। भौतिक सुविधाका साधन खरिद गर्ने अवसर जुट्ला।
कर्कट : अधिकार प्राप्तिका लागि गरिएको प्रतिस्पर्धामा विजयी भइनेछ। धार्मिक तथा समाजसेवामा मन लाग्नेछ। आँटेको र ताकेको कार्य पूरा होला। प्रेम र मित्रताको बन्धन कसिनुका साथै दाम्पत्य सुखमा रमाउने समय छ।
सिंह : आफूलाई कमजोर भएको अनुभूति हुनेछ। केही कुराले गर्दा मनमा अशान्ति र छटपटी व्याप्त हुन सक्छ। शरीरमा स्फूर्ति र उमङ्गको कमी हुनेछ। बोलीको विपरीत अर्थ लाग्न सक्छ। नयाँ कार्यको योजना बन्नेछ।
कन्या : सुन्दर पहिरनले व्यक्तित्वमा निखार ल्याउनेछ। प्रेम सम्बन्ध कामयाबी बन्नेछ। न्यायिक तथा राजनीतिक कार्यमा सफलता मिल्नेछ। सामान्य स्वास्थ्य समस्याले सताउन सक्छ।
तुला : एकपछि अर्को अवसर आउनाले मन प्रसन्न रहनेछ। मित्रजनको साथ-सहयोगले उल्लेख्य कार्य सम्पादन हुनेछ। सहयोगीहरूले राम्रो साथ दिनेछन्। आम्दानी बढ्ने र उठ्नुपर्ने रकम हातलागी हुनेछ।
वृश्चिक : दिन हाँसखेल र मनोरञ्जनपूर्ण रहनेछ। मनमा उत्साहका साथै बोली बिक्नेछ। स्थानान्तरण र टाढाको यात्राको सम्भावना छ। वैदेशिक कार्य अघि बढ्नेछ। प्रेम जीवन सुखद तथा समृद्ध बन्ने देखिन्छ।
धनु : विचार पुर्याएर निर्णय लिनु राम्रो होला। आफूलाई कमजोर भएको अनुभूति हुनेछ। पढाइलेखाइमा पनि ध्यान दिन नसकिएला। दिनको उत्तरार्धमा भने मन पर्ने व्यक्तिसँग भेटघाट हुनेछ। खानपिन कार्यमा सरिक भइनेछ।
मकर : स्वादिष्ट भोजन गर्न पाइनेछ। अधुरो काम बन्नाले मन प्रसन्न हुनेछ। घरपरिवारमा रमाइलो वातावरण छाउनेछ। राज्यका ठूला व्यक्तिले तपाईँको मेहनतको कदर गर्नेछन्। तर, विश्वासपात्रलाई वचन दिँदा चाहिँ संयमता अपनाउनुहोला।
कुम्भ : कुनै न कुनै कुराले मनमा शान्ति र प्रसन्नता छाउनेछ। काम गर्ने जोस, जाँगर र उमङ्ग बढ्नेछ। व्यावसायिक काममा राम्रै फड्को मार्न सकिनेछ। वैदेशिक क्षेत्रको लगानी लाभदायक हुनेछ। विपरीत वर्गप्रति आकर्षण बढ्नेछ।
मीन : मन्दिर दर्शनको योजना बन्नेछ। लामो समयदेखि रोकिएका काम पूरा हुनेछन्। विवेकको प्रयोग गर्न सके आजको दिनलाई सकारात्मक बनाउने समय छ। आफन्त वा नजिकका व्यक्तिको सहयोगबाट अधुरा कार्यले गति लिनेछ।
