२०८१ साल मंसिर ०१ शनिबारको राशिफल :
मेष- अस्वस्थताले राजनीतिक तथा सामाजिक प्रभाव कमजोर बन्ने देखिन्छ। आमाको स्वास्थ्यस्थिति कमजोर बन्नाले त्यसप्रति पनि चिन्ता बढ्न सक्छ। आज धनमाल हराउने, चोरिने वा ठगीमा परिने ग्रहयोग छ। आँखाको समस्याले पनि सताउन सक्छ। विशेष अवसर प्राप्त भए पनि ईर्ष्या गर्नेहरूले दुःख दिनेछन्।
वृष- दाजुभाइ तथा दिदीबहिनीमा केही असमझदारी बढ्ने सम्भावना छ। समाजले बहिष्कार गरेका वा खराब आचरण भएकाहरूसँग नजिकिनुपर्ला। आम्दानीभन्दा बढी खर्च गर्नुपर्ने समय छ। लामो समयदेखि गरिएको लगानी र श्रमबाट कम मात्र प्रतिफल पाइएला। आज ठूला व्यक्तिहरूबाट मानसम्मान प्राप्त होला।
मिथुन- आर्थिक समस्या समाधान हुनेछ। शत्रुहरूलाई परास्त गर्न सकिनेछ। परिवारजनमा असमझदारी र मित्रजनसँग वैरभाव बढ्न सक्छ। व्यापारबाट भने फाइदै हुने दिन छ। विगतका कमजोरी सच्याउने मौका मिल्नेछ। विशिष्ट व्यक्तिको सहयोगले विशेष अवसर पाइनेछ। धनलाभ पनि होला।
कर्कट- विभिन्न अवसरले पछ्याउनेछन्। मुद्दा-मामिला वा कामका विविध झमेलाहरूबाट पनि केही समयलाई मुक्ति मिल्नेछ। यात्रा र सवारी साधन उपयोग गर्दा पनि अलि सावधानी अपनाउनुपर्नेछ। पढाइ आज खासै राम्रो छैन। आर्थिक अभावले सताउन सक्छ। अधैर्यपना बढ्नुका साथै काम नबन्ने डरले सताउन सक्छ।
सिंह- घरजग्गा वा स्थायी सम्पत्तिमा विवाद आउन सक्छ। तापनि, प्रतिष्ठित व्यक्तित्वसँग मित्रता बढ्नेछ। स्वास्थ्यमा समस्या पनि आउन सक्छ। ज्वरो, टाउको दुखाइ वा आँखाको समस्याले अलि सताउने देखिन्छ। जिम्मेवारीका काम समयमा सम्पादन गर्न नसकिएला। सोचेको काम समयमा नबन्नाले दुःख पाइनेछ।
कन्या- घर खर्च बढ्नुका साथै व्यापारमा मन्दी आउने देखिन्छ। लामो समयदेखि रोकिएका काम भने सम्पादन गर्न सकिने दिन छ। आफ्ना कमजोरीप्रति आफन्तजनले टिप्पणी वा गुनासो गर्लान्। हातबाट अवसर गुम्न सक्छ। ध्यान दिएर काम गर्नु होला। उपहारका नाममा काम नलाग्ने वस्तु मात्र हातलागी हुन सक्छ।
तुला- प्रयत्न गर्दा अप्ठ्यारा काम सजिलै सम्पादन हुनेछन्। पराक्रम बढ्नेछ भने प्रशस्त धन लाभ पनि हुन सक्छ। आफ्नो वर्गको नेतृत्व गर्दै प्रतिष्ठित काम सम्पादन गर्ने अवसर जुट्नेछ। कीर्तिमानी काम सम्पादन गर्न सकिनेछ। नयाँ काममा हात हाल्ने समय आएको छ। मान र विद्या प्राप्त हुने समय छ।
वृश्चिक- बहुमूल्य धातु संग्रह गरिएला। सामाजिक प्रतिष्ठा पाइनेछ। शत्रु परास्त हुनेछन्। प्रेम र मित्रताको बन्धन कसिने समय छ। आज साथीभाइहरूबाट फाइदा उठाउन सकिएला। उच्च महत्त्वाकांक्षाले गर्दा सोचेको काम पूर्ण रूपमा सम्पादन हुनेछन्। खर्च लागे पनि चिताएको काम बन्नेछ।
धनु- राजनीतिक पहुँच बढ्नेछ। तर पनि, भूमिलगायत स्थायी सम्पत्तिको विषयमा भने केही विवाद निस्कन सक्छ। खर्च बढ्ने र आर्थिक अभावले सताउने योग छ। तर पनि, विपरीत लिंगी वा केही हितैषी मित्रहरूले साथ दिनेछन्। अप्ठ्यारा परिस्थितिसँग सम्झौता गर्नुपर्दा मन खिन्न रहनेछ।
मकर- आफ्नै कमजोरीले हातमा आएको अवसर गुम्न सक्छ। खराब व्यक्तिको संगतले मान-सम्मानमा चोट पुग्नेछ। आज विशेष पदमा बसेका वा राजनीतिक व्यक्तित्वबाट धोका हुन सक्छ। खानपानमा पनि एकदमै सजग रहनु होला। विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ।
कुम्भ- व्यवसाय र उद्योगधन्दामा राम्रो फाइदा मिल्नेछ। पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुनेछ। लुगा, भोजन र विशेष उपहार हातलागी हुनेछन्। कृषि व्यवसाय तथा पशुधनबाट विशेष फाइदा हुने दिन छ। सरल जीवनशैलीले धेरैको मन लोभ्याउन सक्छ।
मीन- भूमिबाट प्रशस्त फाइदा मिल्नेछ। साथीभाइ र बन्धुबान्धवको सहयोग जुट्नाले अप्ठ्यारा काम पनि सहजै सम्पादन हुनेछन्। विपरीत लिंगीहरूको माध्यमबाट बढी लाभ होला। प्रेम र मित्रताको बन्धन कसिने बेला छ। दाम्पत्य सम्बन्ध सुमधुर बन्नेछ। रोकिएका काममा दोहोर्याएर प्रयत्न गर्नुहोला।
