२०८१ साल मंसिर १३ गते बिहिबारको राशिफल :
मेष : बहुप्रतीक्षित काममा सफलता हात पर्नेछ। सामाजिक र कुटनीतिक क्षेत्रमा सफलता मिल्नेछ। मनोरञ्जनमा सहभागी भइएला। कतै घुम्न जाने योजना बन्न सक्छ। काममा सानातिना बिघ्नबाधा आइपरे पनि निराश र हतास नहुनु होला।
वृष : सद्विचारले अभिप्रेरित हुनेहरूलाई बिस्तारै लाभ मिल्नेछ। अन्योलका बीच उन्नतिको मार्ग प्रशस्त हुनेछ। शैक्षिक क्षेत्रमा सफलता मिल्नेछ। आफ्नै दक्षतामा विभिन्न कार्य सम्पन्न हुनेछन्। मान प्रतिष्ठामा वृद्धि होला।
मिथुन : महत्त्वपूर्ण कार्यमा व्यवधान आइपर्ला। स्वास्थ्यप्रति सजगता अपनाउन जरूरी छ। कुनै कुराले मन दु:खी हुन सक्छ। बेसुरमा वचन दिने बानीले अप्ठ्यारोमा परिन्छ। अभिभावकले ससाना त्रुटि औँल्याउँदा मन खिन्न हुनेछ।
कर्कट : कुनै कुराले अनुहारमा चमक र मनमा शान्ति मिल्नेछ। आस मारिसकेको काम बन्नेछ। विद्यामा सफलता र मान प्रतिष्ठामा वृद्धि होला। बहुप्रतिक्षित काममा सफलता हात पर्नेछ। यात्रा गर्दा सावधानी अपनाउनु होला।
सिंह : आफूलाई मन लागेको कुरा खरिद गर्न सकिन्छ। धर्मकर्म तथा समाजसेवामा मन लाग्नेछ। धैर्य एवं लगनशीलताले विभिन्न अवसर दिलाउनेछ। वैदेशिक क्षेत्रमा गरिएको कार्यले अन्तत: फाइदा नै पुर्याउनेछ।
कन्या : नयाँ कार्यको योजना बन्नेछ। रोजगारीको अवसर पनि प्राप्त होला। अनुहारमा कान्ति र मनमा शान्ति छाउनेछ। धार्मिक कार्यमा रुचि बढ्नेछ। राजनीतिक कार्यमा सफलता मिल्नेछ। टाढा रहेका साथीभाइसँग मनोरञ्जक भेटघाट हुनेछ।
तुला : व्यक्तिगत खुसीका लागि धन खर्च हुन्छ। यात्रामा मालसामान हराउन सक्छ। विश्वासपात्रलाई वचन दिँदा संयम हुनुहोला, अप्ठेरो पर्न सक्छ। मनमा चञ्चलता बढ्नेछ। साँझमा पुरानो र बिर्सिसकेको साथीसँग भेट हुने सम्भावना छ।
वृश्चिक : रमाइलो यात्राको योग छ। शैक्षिक एवं प्रतियोगितात्मक कार्यमा सफलता हात पर्नेछ। रोकिएका काम सम्पादन हुनेछन्। मनोरञ्जक क्रियाकलापमा सहभागी हुन पाइनेछ। स्वादिष्ट भोजनको आनन्द पाइनेछ। शुभ समाचार सुन्न पाइएला।
धनु : साथीभाइसँगको भेटघाटले मन प्रफुल्ल रहला। दाम्पत्य जीवनमा आपसी माया एवं समझदारी कायम रहनेछ। अरूलाई प्रभावित पारेर काम बनाउन सकिनेछ। परोपकार आदिमा भूमिका निर्वाह गरिनेछ।
मकर : आदर्श व्यक्तिसँगको सहकार्यले नयाँ अनुभव मिल्नेछ। प्रविधि र सञ्चारको माध्यमबाट दैनिकी सहज हुनेछ। घरपरिवारमा धार्मिक कृत्यको योग छ। पठनपाठन र शैक्षिक क्षेत्रमा सफलता मिल्नेछ। व्यापार व्यवसायबाट लाभ हुनेछ।
कुम्भ : सुखदुःख बराबरी रहनेछ। मन भावुक र उत्ताउलो बन्न सक्छ। आर्थिक कारोबारमा मन्दी आउनेछ। मन दु:खी हुने समाचार प्राप्त हुन सक्छ। मध्यदिनबाट भने आफन्तको सहयोगले कामहरू अगाडि बढ्नेछन्।
मीन : आफ्नै दक्षतामा विभिन्न कार्य सम्पन्न हुनेछन्। नयाँ कार्यको योजना बन्ने र नयाँ ज्ञान सिक्ने मौका मिल्नेछ। लगनशीलताले सोचेभन्दा चाँडै काम सम्पन्न हुनेछ। समाजिक कार्यमा मन जाला। वैदेशिक कार्य पनि अघि बढ्नेछ।
