सिरहा : सिरहामा मृत भेटिएकी युवतीको सनाखत हुन सकेको छैन।
बरियारपट्टि गाउँपालिका-३ स्थित शिवनगरमा आइतबार निर्भय यादवको सिसौ घारीमा करिब २५ वर्षीय युवती मृत भेटिएकी थिइन्।
धारिलो हतियार प्रहार गरेर उनको हत्या भएको जिल्ला प्रहरी कार्यालय सिरहाका इन्स्पेक्टर दीपक कुमार सिंहले जानकारी दिएका थिए। हुलिया पहिचानका गर्न सहजताका लागी प्रहरीले मृतकको तस्बिर सार्वजनिक गरेको छ । शव पोष्टमार्टमको लागी प्रादेशिक अस्पताल सिरहामा राखिएको छ ।
मृतकले पहेँलो रंगको कुर्ता सरुवाल लगाएको, खरानी रंगको सल ओढेको र म्याजिक ब्राण्डको गुलाबी रंगको ४ नम्बरको चप्पल लगाएको प्रहरीले जनाएको छ। मृतकको औंलामा भेटिएको औँठीमा ‘सी प्लस एस’ लेखिएको छ। पेटको भागदेखी बायाँ तिघ्रामा जलेको पुरानो खत देखिएको छ।
शव अहिले प्रादेशिक अस्पताल सिरहामा राखिएको छ।
