जनकपुरधामः सप्तकोशी ब्यारेजमा खसेको यात्रुबहाक बसमा सवार यात्रुहरूको सकुशल उद्धार गरिएको छ।
आज बिहीबार साँझ विराटनगरबाट उदयपुर गाइघाट जाँदै गरेको को१ख ४६०३ नम्बरको नरसिंह डिलक्स बस सप्तकोशी नदीमा खसेको हो।
सुनसरी प्रहरीका अनुसार सप्तकोशी ब्यारेजको ३४ र ३६ नम्बरको ढोकाको बीचबाट बस झरेको थियो।
सुनसरीका प्रहरी प्रवक्ता नवीकृष्ण भण्डारीका अनुसार सबै यात्रुको सकुशल उद्धार गरेर उपचारका लागि अस्पताल पठाइएको छ।
