२०८१ साल पौष १४ गते आइतबारको राशिफल :
मेष- काममा रुचि घट्नेछ भने मनमा खराब विचारहरूले डेरा जमाउने छन्। काममा रोकावट र मानसम्मानमा आघात पुग्ने समय छ। तथापि, पैसा कमाउने बेला छ। सोच्दै नसोचेको काम सम्पादन हुने समय पनि छ।
वृष- दिन-दुःखीलाई दिएको प्रतिफलस्वरूप रोकिएको काम बन्न सक्छ। धन लगानी गर्ने अवसर पाउनुहुनेछ। उद्योग र व्यापारमा विशेष फाइदा हुनेछ। शत्रु र प्रतिस्पर्धीलाई सजिलै हराउन सकिनेछ। सोचेभन्दा बढी नै लाभ हुने समय छ। साझेदारी काममा विशेष लाभ मिल्नेछ।
मिथुन- सहयोग, पुरस्कार र हौसलामा वृद्धि हुनेछ। बिग्रिएका कामहरू बन्ने छन्। तपाईंको कमजोरीमाथि टिप्पणी हुन सक्छ। विगतको कामबाट भने लाभ हुनेछ। सामाजिक क्षेत्रमा अग्रसर हुने दिन छ। वाहन र पैत्रिक सम्पत्तिको उपयोगबाट प्रशस्त लाभ उठाउन सकिनेछ।
कर्कट- विश्वास गरेका व्यक्तिबाटै घात हुने सम्भावना छ। यात्रा नगरेकै वेश होला। गरिएका कामको उचित प्रतिफल पाइनेछ। कृषि-चौपायामा केही समस्या देखिएला। अवसर आए पनि समयमा निर्णय लिन नसक्दा पछि परिनेछ। मौकाको फाइदा उठाउन नसकिएला।
सिंह- माता-पिताको स्वास्थ्यमा केही कमजोरी आउने देखिन्छ। सभा सम्मेलनमा सहभागी हुने अवसर मिल्ला। विगतका निर्णयले काम बिग्रन सक्छ। मान्यजनको सुझावप्रति पनि विश्वास नलाग्ला। होश नपुग्नाले खर्च मात्र हुनेछ। प्रलोभन देखाउनेहरूले फसाउन सक्छन्।
कन्या- प्रशस्त धन आर्जन गर्ने मौका छ। कर्मप्राप्तिको योग छ। राम्रै सफलता मिल्नेछ। सहयोगीहरूले राम्रो साथ दिनेछन्। रोकिएका काम बन्ने र नयाँ काम शुरु गर्ने समय छ । व्यापारमा पनि राम्रै फाइदा हुनेछ। काममा माता-पिताको सहयोग प्राप्त होला।
तुला- व्यवसायबाट प्रशस्त फाइदा उठाउने मौका छ। प्रतिस्पर्धीहरूले हार खान सक्छन्। काममा परिवारजनको सहयोग जुटाउन सक्दा फाइदा होला। पशुधन र जमिनबाट सामान्य लाभ मिल्नेछ। प्रतिष्ठा कमाउने काम गर्ने मौका छ। अरूलाई प्रभावित पारेर काम लिन सकिने छ।
वृश्चिक- स्वास्थ्यमा गडबडी भई दैनिक कामकाजमा असर पर्ने सम्भावना छ। बोलीको गलत अर्थ लाग्ने र लेनदेनमा विवाद बढ्ने सम्भावना छ। सहयोगीहरूले पनि त्यति साथ नदेलान्। भेटघाटमा अलमलिनाले काममा बाधा पुग्नेछ। आश्वासन दिनेहरूले झुक्याउन सक्छन्।
धनु- पारिवारिक सुख मिल्नुका साथै अध्ययन-अध्यापनको क्षेत्रमा प्रगतिको खबर सुन्न पाउनु हुनेछ। शुभचिन्तकहरूले आफ्ना कमजोरीप्रति गुनासो गर्न सक्छन्। स्वास्थ्यका लागि खानपानमा सचेत रहनुहोला। व्यावसायिक काममा राम्रै फाइदा मिल्नेछ। लामो समयदेखि रोकिएको काम बन्नेछन्।
मकर- धर्मकर्ममा रुचि बढ्नेछ। खेलकुद र कलाकारिता क्षेत्रमा रहनेहरूका लागि समय उत्साहप्रद देखिन्छ। प्रशस्त धन आर्जन गर्ने मौका छ। बिनाप्रतिस्पर्धा फाइदा हुने योग छ। आफ्नै कमजोरीले विवादमा परिनेछ भने सदविचारबाट अभिप्रेरित हुनेहरूलाई फाइदा हुनेछ।
कुम्भ- समाजमा तपाईंका कुरा काट्नेको कमी हुने छैन। आकस्मिक यात्राको समय छ। नयाँ जिम्मेवारी पाइएला। पारिवारिक आवश्यकता पूर्ति होला। श्रमको उचित मूल्यांकन हुनेछ। शुभचिन्तकहरूको सुझावलाई बेवास्ता गर्दा दुःख पाइनेछ। परिवारजनबाट टाढिनुपर्ला।
मीन- खर्च बढ्नुका साथै शरीरमा आलस्यता बढ्नेछ। विश्वास गरेकाबाट धोका हुन सक्छ। पठन-पाठनमा त्यति समय दिन नसकिएला। अरूले आलोचना गर्न सक्छन्। खर्च गरेर पनि त्यति फाइदा उठाउन नसकिएला। प्रयत्न गर्दा पनि उपलब्धि हासिल गर्न गाह्रो पर्ला।
