२०८१ साल माघ ०७ गते सोमबारको राशिफल :
मेष- धेरै लगानीपछि कम मात्र फाइदा हुनेछ। समयमा होश नपुग्नाले केही चुनौती झेल्नुपर्ला। आगो र हातहतियारबाट एकदमै सावधान रहनु होला। कुरा काट्नेहरू सक्रिय रहने छन्। पति-पत्नीबीच घरसल्लाह नमिल्न सक्छ। आर्थिक संकट पनि होला।
वृष- तपाईंले गरेको कामको कदर भई प्रतिष्ठा बढ्ने छ। पढाइ र व्यापारमा प्रगति हुने दिन छ। जागिरमा अनावश्यक झमेलाको सामना गर्नुपर्ने दिन छ। कसैबाट अपमानित पनि भइएला। कामको सन्दर्भमा रमाइला व्यक्तित्वहरूसँग मित्रता बढ्नेछ। कला क्षेत्रमा रुचि बढ्नेछ।
मिथुन- प्राविधिक काममा सफलता प्राप्त हुने छ। आत्मविश्वास जाग्नेछ। वैदेशिक क्षेत्रको लगानी खेर जाने छैन। अल्झेको काम बन्नाले मनमा एक किसिमको उल्लास छाउला। पढाइमा भने खासै प्रगति हुने छैन। कामबाट सजिलै फुर्सद पाइनेछ। मनमा प्रशन्नता मिल्ने दिन छ। आफन्तसँग भेटघाट होला।
कर्कट- रोकिएका घरेलु कामकाज विस्तारै बन्नेछन्। महत्त्वाकांक्षी योजना गोप्य राखेर अघि बढ्दा फाइदा हुनेछ। अधुरा काम बन्ने तथा नयाँ काम पाउने योग छ। कुरा काट्नेहरूको मुख बन्द हुनेछ। व्यवसायमा थप लगानी बढाउन सकिनेछ। वैदेशिक तथा व्यापारिक कामकाजमा फाइदा होला।
सिंह- केही चुनौती सामना गर्नुपर्ने देखिन्छ। स्वास्थ्य कमजोर रहे पनि सहयोगीहरू जुटाउन सकिनेछ। भौतिक साधनको क्षतिले अनावश्यक धन नाश होला। मनमा पीडाले डेरा जमाउला। शरीरमा रोग लाग्न सक्छ। स्वास्थ्यमा अचानक गडबडी आउने सम्भावना देखिन्छ। चोटपटकको भय पनि छ।
कन्या- पढाइलेखाइमा प्रगति हुनेछ। व्यावसायिक काम बीचमा अवरुद्ध बन्न सक्छ। धनजनको वृद्धि होला। महत्त्वपूर्ण काम धेरै बन्नेछन्। लगनशीलता र इमानदारिताको प्रशंसा गर्नेहरू पाइएलान्। मनमा शान्ति छाउनेछ। परिवारसँग आत्मीयता बढ्नेछ। प्रेम प्रस्तावको पनि सम्भावना छ। संगीत सिक्नमा मन जाला।
तुला- ऋण-सापटी लिनदिन आजको दिन अनुकूल छ। पारिवारिक जीवन सामान्य र सन्तोषप्रद रहने छ। आर्थिक क्षेत्रमा प्रशस्त लाभ हुने संकेत छ। व्यापार, कृषि र वैदेशिक क्षेत्रमा दिन एकदमै राम्रो छ। आम्दानी बढ्न सक्छ। घुमघाम, भेटघाट र मनोरञ्जनमा दिन बित्नेछ। मिष्ठान्न भोजनको योग छ।
वृश्चिक- व्यापार बढ्ने, यात्रा हुने र रमाइलो भेटघाटले मन हर्षित बन्ने दिन छ। पराक्रम पनि बढ्ला। व्यापारमा सुधार आउनेछ। यात्राको क्रममा लाभ मिल्नेछ। सन्तानबाट पनि सुख पाइनेछ। मनमा रहेको डर हटेर काममा उत्साह बढ्नेछ।
धनु- स्वास्थ्य स्थितिमा अनुकूलता आउनेछ। काम गर्न जाँगर चल्नेछ। उत्साहबर्द्धक समय छ। स्वास्थ्यमा अचानक गडबडीको संकेत छ। उपचारमा खर्च हुन सक्छ। धेरै श्रम गरे पनि कामको कम मूल्यांकन हुनेछ। भएको आम्दानी र सञ्चित रकम पनि खर्च गर्नुपर्ला।
मकर- परिश्रमअनुसार उपलब्धि राम्रै पाइएला। रोकिएका काम पुनः शुरु हुन सक्छन्। दिन मध्यमखालको छ। पढाइमा सफलता पाउने, आफन्तहरूको सहयोग र बौद्धिक उन्नतिले काममा सफलता मिल्ने छ। खर्च बढ्ने र स्वास्थ्य कमजोर रहन पनि सक्छ। कुरा काट्नेहरू बढ्ने छन्, सावधान रहनु होला।
कुम्भ- आम्दानीमा कमी आउने छैन। तर, निरर्थक र प्रतिफल प्राप्त नहुने क्षेत्रमा धन लगानीको सम्भावना छ। आज खर्चभन्दा कमाइ नै बढी हुने योग छ। छरछिमेकबाट सरसहयोग प्राप्त होला। दिगो फाइदा हुने काममा लगानी बढाउन सकिनेछ। काम र व्यापारमा पनि फाइदा हुनेछ।
मीन- विपरीत लिंगीको सहयोग प्राप्त भई मन हर्षित हुने योग छ। अनौठो खबर सुन्न्न पाइएला। नयाँ तथा थालेका कामहरू सहजै बन्न सक्ने दिन छ। काम गर्नमा मन जानाले चिताएको काम सहजै बन्ला। आर्थिक लगानी बढाउन अनुकूल समय छ। नयाँ ठाउँमा लगानीको वातावरण बनी मन हर्षित हुनेछ।
