लालबन्दी : सरकारले उखु किसानलाई अनुदान उपलब्ध गराउने निर्णय गरेको छ ।
सोमबार राति बसेको मन्त्रिपरिषद् बैठकले उखु किसानलाई प्रतिक्विन्टल ३५ रुपैयाँ अनुदान दिने निर्णय गरेको हो ।
कृषि तथा पशुपन्छी विकास मन्त्रालयको प्रस्तावले उखु किसानलाई अनुदान दिने निर्णय भएको बताइएको छ ।
आर्थिक वर्ष २०८१/८२ का लागि सरकारले प्रदान गर्ने अनुदान रकम ३५ रुपैयाँ कायम गरिएको छ ।
सरकारले उखु किसानलाई प्रत्येक वर्ष अनुदान दिँदै आएको छ । अर्थमन्त्री विष्णु पौडेलले आगामी आर्थिक वर्षमा पनि उखु किसानलाई अनुदान उपलब्ध गराउने बताएका थिए ।
उनले राष्ट्रिय अनुदान नीतिअनुसार उखु किसानले अनुदान रकम पाउने बताए ।
