बरहथवा । सर्लाहीमा ट्याक्टरले ठक्कर दिँदा एक युवकको मृत्यु भएको छ।
बरहथवा नगरपालिका–१ नागमन्दिर नजिकै ज १ त ४५२० नम्बरको ट्र्याक्टरले ठक्कर दिँदा स्थानीय ३० वर्षीय भोला सहनीको मृत्यु भएको जिल्ला प्रहरी कार्यालय सर्लाहीले जानकारी दिएको छ ।
ठक्करबाट गम्भीर घाइते भएका सहनीको नगर अस्पताल बरहथवामा उपचारका क्रममा ज्यान गएको हो।
ठक्कर दिने ट्र्याक्टर र त्यसका चालकलाई नियन्त्रणमा लिएर अनुसन्धान अघि बढाएको प्रहरीले जनाएको छ।
