बर्दिबासः महोत्तरीको बर्दिबासबाट जनकपुर घुम्न भनी हिँडेका तीन बालिका तीनदेखि बेपत्ता भएका छन्।
बर्दिबास नगरपालिका-१ का १० देखि १३ वर्ष उमेर समूहका तीन बालिका मंगलबार जनकपुर गएका तर अहिलेसम्म नफर्किएका अभिभावकलाई उद्धृत गर्दै प्रहरीले जनाएको छ।
इलाका प्रहरी कार्यालय बर्दिवासका डीएसपी रेवतीरमण पोखरेलका अनुसार बालिकाहरू मंगलबार जनकपुरको भाटभटेनी घुम्न गएका हुन्। ‘बालिकाहरू घर नफर्किएका भनेर अभिभावकले हामीलाई जानकारी गराउनु भएको छ,’ डीएसपी पोखरेलले भने, ‘हामीले उनीहरूको खोजी गरिरहेका छौँ।’
बेपत्ता हुने एक जना १० वर्षकी बालिका छिन् भने अरू २ जना १३-१३ वर्षका छन्। उनीहरू बर्दिबासमै रहेको देउराली मावि र ग्लोबल एकेडेमीमा अध्ययनरत हुन्।
