महोत्तरी । महोत्तरीको गौशाला नगरपालिका–९ डुमरवानास्थित भित्री सडक-खण्डमा गुडिरहेको एक विद्यालयको बस दुर्घटना हुँदा चालकसहित ६ जना घाइते भएका छन् ।
मंगलबार बिहान करिब ७:३० बजे इमली बजारबाट गौशालातर्फ जाँदै गरेको बा १ क ६१२९ नम्बरको ‘मोर्डन सारदा शिक्षा मदन बोर्डिङ स्कुल’को बस अनियन्त्रित भई सडक किनारमा दुर्घटना भएको हो ।
दुर्घटनामा बस चालक गौशाला नगरपालिका–५ निवासी अन्दाजी ४० वर्षीय विजय भुजेलसहित ६ जना घाइते भएका छन्[3][4]। घाइतेमध्ये एक जनाको अवस्था मध्यम र अन्य पाँच जनाको अवस्था सामान्य रहेको प्रहरीले जनाएको छ ।
दुर्घटना लगत्तै उद्धार गरिएका घाइतेहरूलाई उपचारका लागि महोत्तरीको गौशालास्थित बीके अस्पताल तथा स्थानीय स्वास्थ्य संस्थाहरूमा पठाइएको छ। दुर्घटनाको कारणबारे प्रहरीले आवश्यक थप अनुसन्धान अघि बढाएको छ।
