काठमाडौँ : आज रातिसम्म काठमाडौँ जोड्ने ५ राजमार्ग खुलाइने भएको छ।
त्रिभुवन राजपथ, पृथ्वी, अरनिको र कान्ति राजमार्गमा आवागमन खुलाइने सडक विभागका योजना महाशाखा प्रमुख तथा सूचना अधिकारी अमितकुमार शर्माले जानकारी दिए।
बाढीपहिरोका कारण अवरुद्ध भएका यी पाँच राजमार्गमा अहिले मर्मतको काम भइरहेको उनले बताए।
त्रिभुवन राजपथ र पृथ्वी राजमार्ग पूर्ण रूपमा, अरनिको बाह्रबिसेसम्म र कान्ति राजमार्ग बागमती पुलमा बाहेक अरू स्थानमा खुलाइने उनको भनाइ छ।
