गोडैता : रौतहटमा मोटरसाइकल दुर्घटना हुँदा एक युवकको मृत्यु भएको छ।
सर्लाहीबाट निजगढतर्फ जाँदै गरेको प्रदेश २-०२-००४ प. ७०४९ नम्बरको मोटरसाइकल दुर्घटना हुँदा चालक सर्लाहीको पर्सा गाउँपालिका-६ बस्ने २७ वर्षीय साजिद अन्सारीको मृत्यु भएको जिल्ला प्रहरी कार्यालय रौतहटले जानकारी दिएको छ।
दुर्घटनामा गम्भीर घाइते भएका अन्सारीलाई तत्काल उपचारका लागि चन्द्रनिगाहपुरस्थित अस्पताल पुर्याइएकोमा त्यहाँ चिकित्सकले मृत घोषणा गरेका थिए।
घटनाको सम्बन्धमा थप अनुसन्धान भइरहेको प्रहरीले जनाएको छ।
