ईश्वरपुर : सर्लाहीमा आज बिहान स्कुटर दुर्घटना हुँदा आको मृत्यु भएको छ भने उनका छोरा गम्भीर घाइते भएका छन्।
जिल्लाको ईश्वरपुर नगरपालिका-४ (सागरनाथ)मा बिहीबार बिहान करिब पौने ११ बजे बा.५४ प. ६३०७ नम्वरको स्कुटर दुर्घटनामा परेको हो। दुर्घटनामा सागरनाथकै ४० वर्षीया देवीमाया थापा मगरको घटनास्थलमै मृत्यु भएको जिल्ला प्रहरी कार्यालय सर्लाहीले जनाएको छ।
तीव्र गतिको स्कुटर सडक किनारामा पार्किङ गरेर राखिएको टायरगाढामा गएर ठोकिँदा दुर्घटना भएको प्रत्यक्षदर्शीहरुले बताएका छन्।
दुर्घटनापछि घाइते बालकलाई उपचारको लागि मोडेल अस्पताल लालबन्दीमा सामान्य उपचारपश्चात उनलाई थप उपचारका लागि काठमाडौँ पठाउने तयारी भइरहेको प्रहरीले जानकारी दिएको छ।
