लालबन्दी : मोटरसाइकल चोरी मुद्दामा फरार एक प्रतिवादीलाई लालबन्दी प्रहरीले आज पक्राउ गरेको छ।
मोटरसाइकल चोरी मुद्दामा सर्लाही जिल्ला अदालतबाट कैद र जरिवाना तोकिएका लालबन्दी नगरपालिका वडा नम्बर १ का २६ वर्षीय सूर्यदीप चौधरीलाई आज (सोमबार) पक्राउ गरी कारागार बुझाइएको इलाका प्रहरी कार्यालयका प्रहरी अधिकृत सुजन पाठकले जानकारी दिए।
चौधरीलाई जिल्ला अदालत मलगंवाले चोरी मुद्दामा २०७९ साल मंसिर ३ गते २ वर्ष ९ महिना जेल सजाय तोकेको थियो। अदालतबाट कसूर प्रमाणित भएका उनी त्यसयता फरार रहँदै आएका थिए।
लालबन्दी प्रहरीले केही समययता अदालतबाट सजाय पाएका फरार अभुक्तहरूलाई पक्राउ गर्दै कारगारमा बुझाउँदै आएको छ।
