काठमाडौँ : ललितपुर महानगरपालिका-१७ ग्वार्कोमा गाडीले ठक्कर दिँदा मोटरसाइकलमा सवार सिरहाका एक युवकको मृत्यु भएको छ।
मृत्यु हुनेमा सिराहा घर भई कोटेश्वर बस्दै आएका ३२ वर्षीय जयनाथ यादव रहेका छन्।
प्रदेश ०२-०१-००२ प ९१७५ नम्बरको मोटरसाइकललाई राति १० बजेतिर ग्वार्कोमा पहिचान नभएको गाडीले ठक्कर दिएको थियो।
गाडीको ठक्करबाट गम्भीर घाइते भएका यादवलाई उद्धार गरी बी एन्ड बी अस्पताल पुर्याइएको थियो। तर यादवलाई चिकित्सकले मृत घोषणा गरेका थिए। उनको शव अस्पतालमै राखिएको छ।
सीसीटीभीको फुटेजका आधारमा मोटरसाइकललाई टिपरले ठक्कर दिएको देखिएको प्रहरीको भनाइ छ। ठक्कर दिने गाडी भने फरार भएको छ।
