लालबन्दी । सर्लाहीमा सागरनाथ वन परियोजनाका चौकीदारको हत्या भएको छ ।
शनिबार साँझ परियोजनाका चौकीदारको परियोजनाका चौकीदार रामेश्वर महतोको हत्या भएको सर्लाही प्रहरी प्रवक्ता सरोज राईले जानकारी दिए । उनका अनुसार टाउको छिनाएको अवस्थामा चौकीदार महतोको शव फेला परेको छ, घटनास्थलमा बन्चरो पनि भेटिएको छ । घटनाको सूक्ष्म अनुसन्धान थालिएको सर्लाही प्रहरीले जनाएको छ ।
चौकीदार महतोको शव शंकास्पद अवस्थामा भेटिएकोले थप अनुसन्धानका लागि प्रदेश प्रहरीले स्पेसल कुकुर पनि घटनास्थलमा पठाएको प्रदेश प्रहरी प्रमुख डीआईजी गोविन्द थपलियाले बताए ।
चौकीदार महतो ईश्वरपुर नगरपालिका–२ निवासी रहेका सर्लाही प्रहरीले जनाएको छ ।
