२०८१ साउन १२ गते शनिबारको यस्तो छ राशिफल
मेषः आज निर्णय कार्यान्वयन हुन गारो होला। स्वास्थ्यमा समस्या आउन सक्छ, सचेत रहनुहोला। जोशजाँगर र आत्मबलमा कमी आउनेछ।
वृषः आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुन सक्छ। वैदेशिक क्षेत्रको कार्य अघि बढ्नेछ। विशिष्ट व्यक्तिको सहयोग पाइनेछ।
मिथुनः आज आदर्श व्यक्तित्व सँगको सहकार्यले नयाँ अनुभव मिल्नेछ। प्रतियोगितात्मक क्रियाकलापबाट लाभ मिल्नेछ। कार्यमा सफलता पनि पाइनेछ।
कर्कटः आज साथीभाइको सहयोगले हिम्मत दिलाउनेछ। धार्मिक तथा समाजसेवामा मन लाग्नेछ। व्यापारबाट सोचेजस्तै लाभ प्राप्ति हुने योग पनि छ।
सिंहः अल्छीपन र आलस्य नत्यागेमा आँटेको काममा सफलता नमिल्न सक्छ। आर्थिक कारोबारमा विवाद आउनेछ। खानपिनमा सचेत रहनुहोला।
कन्याः न्यायिक कार्यमा सफलता मिल्नेछ। अरूलाई प्रभावित पारेर काम बन्नेछ। परिवारमा रमाइलो जमघट हुनेछ र अभिभावकले सन्तुष्टि जनाउनेछन्।
तुलाः आज धार्मिक, सामाजिक महत्वको क्षेत्रको भ्रमण हुनसक्छ। कला साहित्य तथा संगीतमा रुचि बढ्नेछ। अध्ययन अध्यापन सफल रहेको छ।
वृश्चिकः आज गोपनीय ढंगले गरिएको क्रियाकलापमा सफलता पाउनुहुनेछ। रमाइलो यात्राको योग रहेको छ। मित्रवर्गबाट सोचेजस्तो लाभ प्राप्त हुनेछ।
धनुः सानातिना समस्यामा अल्झनुपर्नेछ। पाचनप्रणालीमा समस्या देखिनसक्छ। दुष्ट व्यक्तिको संगतीले आत्मघाती कार्य गर्न पुगिएला, सचेत रहनुहोला।
मकरः रोकिएका अधुरा कामहरू पूरा हुनेछन्। बोलीको प्रभाव बढ्नेछ। प्रणयसम्बन्ध र रतिराग बढाउने समय छ। घरमा पाहुनाको आगमन हुने पनि छ।
कुम्भः आज राजनीति तथा समाजसेवामा जनताको साथ तथा समर्थन पाइने हुनाले सार्वजनिक पद पाउने योग छ। भौतिक सुख पनि मिल्नेछ।
मीनः विशिष्ट व्यक्तिको साथ पाइनेछ। आँटेको र ताकेको कार्य पूरा होला। साहित्यिक क्षेत्रमा रुचि बढ्नेछ। परोपकारका क्षेत्रमा लगानीको समय छ।
