काठमाडौं: होस्टल व्यवसायी संघले क्षेत्रीय समितिहरू विस्तार गर्ने क्रममा आइतबार शंखमुल–आलोकनगर समिति गठन गरेको छ।
महेन्द्र ओलीको संयोजकत्वमा गठन गरिएको उक्त समितिको सहसंयोजकमा भाइकाजी महर्जन, सचिवमा सिर्जना भुसाल र कोषाध्यक्षमा दीपक बानियाँ चयन भएका छन् ।
यस्तै सदस्यहरूमा शोभा राउत, रामचन्द्र सुवेदी र गीता थापा चयन भएका छन् ।
भेलाले आवश्यकताअनुसार कार्यसमिति र क्षेत्रीय समितिमा सदस्यहरू थप गर्न सक्ने निर्णय पनि गरेको छ।
भदौ ६ गते संघको बुद्धनगर भेलाले यज्ञराज नेपालको संयोजकत्वमा बुद्धनगर क्षेत्रीय समिति गठन गरेको थियो।
आज भएको शंखमुल-आलोकनगर क्षेत्रीय भेलाको अध्यक्षता काठमाडौं जिल्ला अध्यक्ष हिक्मत बहादुर थापाले गरेका थिए भने केन्द्रीय उपाध्यक्ष भीम भण्डारी प्रमुख अतिथि रहेका थिए।
त्यसगरी कार्यक्रमलाई जिल्ला सचिव जुनु ढकालले सञ्चालन गरेकी थिइन्।
