काठमाडौँ : जनता समाजवादी पार्टी, नेपालका अध्यक्ष तथा बारा क्षेत्र नम्बर २ का सांसद उपेन्द्र यादवले इस्लाम धर्मका प्रवर्तक पैगम्बर हजरत मोहम्मदको जन्म जयन्तीको अवसरमा स्वदेश तथा विदेशमा रहेका सम्पूर्ण मुस्लिम धर्मावलम्बी नेपालीलाई शुभकामना दिएका छन्।
‘यस पर्वले सबै समुदायबीच आपसी भाइचारा र सद्भाव कायम राख्दै राष्ट्रिय एकता र अखण्डतालाई थप मजबुत बनाउने विश्वास लिएको छु’, उनले आइतबार जारी गरेको शुभकामना सन्देशमा भनिएको छ।
सरकारले मोहम्मद जयन्ती (मोहम्मद दिवस) को दिन नेपाली मुस्लिम धर्मावलम्बीका लागि आज बिदा दिएको छ।
