हरिवनः छठ पर्वको अवसरमा व्रतालु महिलाहरूलाई हरिवनस्थित एक क्लब र समाजका युवाहरूले सारी वितरण गरेको छ।
हरिवन नगरपालिका २ पछियारीटोलका ६२ जना छठ माता व्रतालुहरूलाई अत्रौली पछियारीटोल समाज र युवाहरूको सहयोगमा सिर्जनशील युवा क्लबले १ जोरका दरले १२४ वटा सारी वितरण गरेको हो।
२२ गते बेलुका र २३ गते बिहान गरी प्रत्येक व्रतालुहरूलाई सारी वितरण गरिएको सिर्जनशील युवा क्लबका अध्यक्ष सन्तोष कुमार महतोले जानकारी दिए।
व्रतालुहरूलाई सारी वितरणपछि क्लबका अध्यक्ष महतोले छठ पर्वले सबैलाई जोड्ने र विशेषगरी व्रतालु महिलालाई सानो सहयोग गर्न पाएकोमा आफूहरू खुसी भएको बताए।
त्यस अवसरमा हरिवन नगरपालिका वडा नम्बर २ का पूर्ववडाध्यक्ष अर्जुन कुमार कुशवाह, युव क्लबका सदस्यहरूलगायत उपस्थित थिए।
