लालबन्दी : सर्लाहीको लालबन्दीमा गएराति मोटरसाइकल दुर्घटना हुँदा एक जनाको मृत्यु भएको छ।
लालबन्दी नगरपालिका ४ स्थित रेल्वे ट्रयाकमा गएराति ज ११ प ७५४८ नम्वरको मोटरसाइकल दुर्घटना हुँदा स्थानीय ५० वर्षीय राजकुमार चौधरीको मृत्यु भएको जिल्ला प्रहरी कार्यालय सर्लाहीले जनाएको छ।
राति पौने नौ बजे रेल्वे ट्रयाकबाट मोटरसाइकल तल खस्दा चौधरीको मृत्यु भएको हो। दुर्घटनास्थलबाट उठाएर चौधरीलाई लालबन्दीमा रहेको मोडेल अस्पताल पुर्याउँदा चिकित्सकले मृत घोषणा गरेका हुन्।
मृतकको शव पोस्टमार्टमका लागी प्रादेशिक अस्पताल मलंगवा लगिएको छ भने घटनाका सम्बन्धमा थप अनुसन्धान भईरहेको प्रहरीले जनाएको छ।
